Темиралиев Умбриэль Темиралиевич “Бишкек” эркин экономикалык аймагынын башкы директору болуп дайындалды.
Бул тууралуу министрлер кабинетинен билдиришти.
Тиешелүү тескемеге министрлер кабинетинин төрагасы Акылбек Жапаров кол койду.
Эске салсак, кечээ, 7-сентябрда президент Садыр Жапаров 2022-жылдын 26-сентябрынан бери КР Президентине караштуу Инвестициялар боюнча улуттук агенттиктин директору болуп иштеп келген Умбриэль Темиралиевдин башка ишке өткөндүгүнө байланыштуу ээлеген кызмат ордунан бошоткон.
Буга чейин борбордогу ЭЭАны Алмамбет Шыкмаматов жетектеп келген, ал 5-сентябрда Мамлекеттик ипотекалык компаниянын башкаруучулугунун жетекчиси болуп дайындалган.



















