Ооганстан чек ара жаңы стратегияга ылайык калыбына келтирилерин жарыялады.
Ооганстан менен Өзбекстандын чек арасын сел алып кетти, эми кайра такталат. Бул тууралуу Ооганстандын энергетика жана суу ресурстары министринин милдетин аткаруучу Абдуллатиф Мансур билдирди.
Анын айтымында, селден улам тактала элек Ооганстан менен Тажикстан, Өзбекстан менен Түркмөнстандын чек арасын тактоо иштери жаңы стратегиянын негизинде жүргүзүлөт.
Мансур Ооган лидеринин атынан түзүлгөн пландын Ички иштер министрлиги, Коргоо министрлиги, Чалгындоо Башкы башкармалыгы жана Тышкы иштер министрлиги менен биргеликте ишке ашырыла турганын айтты.
«Тажикистан, Өзбекстан жана Түркмөнстан менен чек араларыбызды сел алып кетти. Эң негизгиси, биз өткөн чек араларды аныктоонун үстүндө иштеп жатабыз жана жыйырма күн мурун ооган лидери менен бул маселени талкуулаганбыз», – деди ал.
Министр чек араны калыбына келтирүү боюнча жаңы стратегия кандай болорун тактаган жок.
Ошол эле учурда Мансур Ооганстандын суу ресурстарын башкарууга жана энергия өндүрүүгө муктаж экенин баса белгилеп, өлкө бул жаатта чоң дамбаларды куруу жана суу, шамал жана күн ресурстарын колдонуу менен өзүн-өзү камсыздоону максат кылып жатканын айтты.
Ооган аткаминери ошондой эле сууну башкаруу коңшу өлкөлөргө зыян келтирбей турганын белгиледи.
“Биздин аракеттерибиздин эч бири кошуналарыбызга зыян келтирүүгө багытталган эмес, биз кошуналарыбызга зыян келтире турган үлүшүбүздөн ашык сууну колдонгон жокпуз жана андай кылуу ниетибиз да жок”, – деди Энергетика министринин улук кеңешчиси Фарук Азам.


















