Жер планетасында G4 же андан жогорку класстагы магниттик бороон бүгүн башталат. Анын күчү үстүбүздөгү жылдын май айында болгон бороон-чапкын менен салыштырууга болот, – деди орусиялык «Фобос» аба ырайы борборунун жетектөөчү адиси Михаил Леус.
«Жаңы божомолдор изилдөөчүлөрдүн алдын ала жыйынтыктарын тастыктайт. Магниттик бороондор абдан күчтүү, G4 классында чокусуна же андан да жогору болуп, узакка созулушу күтүлүүдө. Жердин магнитосферасындагы башаламандыктардын башталышы бүгүн түшкө жакын, ал эми интенсивдүүлүгү орточодон өтө күчтүү, G2-G4 чейин өзгөргөн магниттик бороон-чапкындар 11-октябрь, жума күнү күндүн аягына чейин созулат», — деп жазды синоптик өзүнүн Telegram каналында.
Анын айтымында, бороон-чапкындар ишембиде азыраак күч менен уланып, жекшемби күнү гана токтойт.
«Күтүлгөн магниттик бороон 10-12-майда болгон окуялар менен быйылкы жылдын эң күчтүү жана эң узак бороону наамы үчүн ат салышы мүмкүн», – деп белгиледи ал.















