Стамбулда 23-апрелдеги жер титирөөдөн кийин 4200дөн ашуун имарат жабыркаган. Жалпы 36 425 имарат текшерилген.
Бул тууралуу 1-майда Түркиянын шаар куруу жана экология министри Мурат Курум билдиргенин TRT Haber маалымат каражаты кабарлады.
“Бүгүнкү күндө 36 миң имараттын 425 миңи көз карандысыз бөлүгүндө зыянды аныктоо иштери жүргүзүлдү. Анын ичинен 27 миң 697 имарат жабыркаган эмес, ал эми 4 миң 295 имарат анча чоң эмес зыянга учураган”, – деп билдирген М. Курум.
Министр ошол эле учурда табигый кырсыктан келтирилген зыянды аныктоо иштери дагы деле жүрүп жатканын баса белгиледи.
Ал эми Түркиянын саламаттыкты сактоо министри Кемал Мемисоглу апрелдеги жер титирөөдө 240ка жакын түрк жараны жабыркаганын, адамдардын көбү бийиктен кулоодон улам жараат алганын билдирген. Анын айтымына караганда, тургундардын көбү дүрбөлөңгө түшкөндө качып кетүүгө аракет кылышкандан улам жаракат алышкан.



















