Дүйшөмбүгө караган түнү Республикалык элдик партиянын Стамбулдагы бөлүмүнүн жанында оппозиция менен полициянын ортосунда кагылышуу болду. Алар Түркиянын президенти Режеп Тайып Эрдогандын Республикалык элдик партиянын жетекчилигин кызматтан алуу жана партиялык башкарууну убактылуу кеңешке өткөрүү боюнча саясий чечимдерине каршы чыгышкан.
Бул тууралуу РИА Новости жазды.
Маалыматта айтылгандай, Стамбул бийлиги бул каршылык акцияга жооп катары шаардын алты районунда, анын ичинде борбордук райондордо митинг жана демонстрацияларды өткөрүүгө 11-сентябрга чейин убактылуу тыюу салган. Бул Бешикташ, Бейоглу, Эйюпсултан, Кагытхан, Сарыер жана Шишли райондоруна тиешелүү.
Түркиянын Юстиции министри Йылмаз Тунч башаламандык, ошондой эле социалдык тармактардагы “чагымчыл” басылмалар боюнча иликтөө башталганын жарыялады. Ал эми Радио жана телекөрсөтүү Жогорку Кеңешинин башчысы (RTÜK) Эбубекир Шахин коомдук коопсуздукка коркунуч жараткан маалымат каражаттары жабылып, лицензиясынан ажырап калышы мүмкүн экенин эскертти.
Оппозиция менен полициянын кагылыштарынан улам Түркияда социалдык тармактарда дагы көйгөйлөр жаралган. Айрыкча Telegram, X, YouTube, Instagram, Facebook жана WhatsApp тармактары үзгүлтүккө учураган.
Эскерте кетсек, 2-сентябрда Стамбулдун соту Республикалык элдик партиянын жергиликтүү бөлүмүнүн 2023-жылы өткөн күзгү курултайынын жыйынтыгын жараксыз деп тапты.
Филиалдын башчысы Озгюр Челик жана жетекчиликтин башка мүчөлөрү кызматынан алынды. Партия убактылуу башкаруучу болуп дайындалган Гюрсел Текинди кызматтан алды.
Кошумчалай кетсек, Стамбулдун мурадагы мэри Экрем Имамоглу 2025-жылдын 19-мартында паракорлукка айыпталып кармалган. Июль айында ал бир жыл сегиз айга эркинен ажыратылган. Анын кармалышы дагы Түркияда массалык нааразылык толкунун жараткан. Адвокаттары аны камакка алуу боюнча апрель айында аппеляциялык арыз менен кайрылган, бирок сот аны четке кагып, камак мөөнөтүн узарткан.

















