Россия менен Украинанын делегацияларынын сүйлөшүүлөрү 16-майда Түркиянын Стамбул шаарында болуп өттү, деп билдирет ТАСС өз булактарына шилтеме берүү менен.
Маалыматка ылайык, делегациялар сүйлөшүүлөрдөн кийин тарап кетишти, учурда басма сөз үчүн расмий билдирүүлөр даярдалууда.
Буга чейин делегациялар сүйлөшүүлөрдү убактылуу токтотуп, кийинки раундду улантуу боюнча орток чечимге келе албай жатышкан.
Украинанын Жогорку Радасынын депутаты Алексей Гончаренко да өзүнүн Telegram-каналында сүйлөшүүлөрдүн аяктаганын билдирип, буга чейин тараптардын сүйлөшүүлөрдү токтотконун жазган болчу.
Мурун Россия президенти Владимир Путин Украина жана анын Батыштагы өнөктөштөрүнүн жаңы 30 күндүк ок атышууну токтотуу сунушун четке каккан, анткени Киев мурун Москванын жарыялаган тынчтык мезгилдерин бузганын айтып айыптаган. Анын ордуна Путин бейпилдик маселесин Москва менен Киевдин түз сүйлөшүүлөрүндө карап чыгуу керектигин белгилеп, алар 15-майда Стамбулда өтүшү мүмкүн экенин айткан.
Андан соң Украина президенти Владимир Зеленский Түркияда өтө турган сүйлөшүүлөрдө Путин менен бетме-бет жолугушууну күтүп жатканын билдирген.
ЖМКлар жазгандай, АКШ президенти Дональд Трамп да 15-майда Стамбулга келиши мүмкүн деген маалыматтар болгон, анда Россия жана Украина сүйлөшүүлөрдү өткөрүү ниетин билдиришкен.
Бирок кийин белгилүү болгондой, эки тараптын тең делегацияларын мамлекет башчылары эмес, Путин Россия делегациясын Владимир Мединскийге, ал эми Зеленский Украина делегациясын коргоо министри Рустем Умеровго тапшырган.
АКШнын мамлекеттик катчысы Марко Рубио Түркияда өтө турган сүйлөшүүлөргө карата пессимисттик көз карашын билдирген.
Сүйлөшүүлөр 2025-жылдын 16-майында Стамбулда өттү.
Ушул окуялардын фонунда Рим папасы Лев XIV Россия менен Украинанын сүйлөшүүлөрүн Ватиканда өткөрүүнү сунуштаган. Ал буга чейин да Украинадагы тынчтык орнотуу иши анын понтификатынын негизги багыты болорун белгилеген.


















