Ирандын Сауд Аравиядагы элчиси Алиреза Энайати Ислам Республикасынын тышкы иштер министри Аббас Аракчинин бул өлкөгө жасаган сапарын Тегерандын Эр-Рияд менен экономикалык жана маданий кызматташтыкты кеңейтүү каалоосу катары баалады.
“Тегеран Сауд Арабиясы менен экономикалык жана маданий алакаларын кеңейтүүгө даяр”, – деди Энайати Asharq Al-Awsat басылмасына берген маегинде.
Элчинин айтымында, Ирандын тышкы иштер министри Аббас Аракчи 8-июлда Сауд Аравияга жасаган сапарында Эр-Рияд менен Тегерандын ортосундагы эки тараптуу мамилелер жана кызматташтык талкууланды. Анда Иран Сауд Аравиясы жана башка коңшу өлкөлөр менен “жакшы коңшулук жана жалпы кызыкчылыктарга негизделген” алакаларды чыңдоону баса белгиледи.
Иран Сауд Аравия менен экономикалык, соода жана маданий тармактарда карым-катнаштарын кеңейтүүгө даяр экенин белгилеген Энайати Сауд Аравиянын мураскор ханзаадасы Мухаммед бин Салман Аракчи менен болгон жолугушуусунда “эки улуу Ислам өлкөсүнүн ортосундагы өз ара түшүнүү жана кызматташтыктын өсүп жатканына” канааттанганын билдиргенин айтты.
Элчи Аракчинин сапары учурунда эки өлкөнүн ортосундагы коопсуздук жана коргонуу жаатындагы “жемиштүү” сүйлөшүүлөрүн жогору баалап, Сауд Аравиянын коргоо министри Халед бин Салмандын Тегеранга жасаган жакындагы сапары аймактагы коопсуздукту жана туруктуулукту чыңдоо үчүн маанилүү кадам болгонун белгиледи.
Ал Сауд Аравиянын коргоо министри Израилдин Иранга карата аскердик чабуулдарын айыптап, курман болгондорго көңүл айтканын белгиледи.
Ирандын элчиси ошондой эле Сауд бийлигине Израилдин кол салуусунан кийин ирандык зыяратчыларды мекенине кайтаруудагы көмөгү үчүн ыраазычылык билдирди.
Энайати Ирандын тышкы иштер министри Аббас Аракчи Сауд Аравиядагы сапарынын жүрүшүндө Израилдин Палестина элине каршы геноциди, ислам жерлеринин басып алынышы жана Ливан менен Сирияга жасаган кол салууларын катуу айыптап, БУУнун Коопсуздук Кеңешинин унчукпай турушу жана аракетсиздиги региондогу башаламандыкка негизги себеп болуп жатканын белгилегенин кошумчалады.
Эске салсак, Ирандын тышкы иштер министри Аббас Аракчи 8-июлда Сауд Аравияга барып, мураскер ханзаада Мухаммед бин Салман менен сүйлөшүүлөрдү өткөргөн. Жидда шаарында өткөн жолугушууда эки өлкөнүн ортосундагы эки тараптуу карым-катнаштар менен бирге аймактагы окуялар, коопсуздукту жана туруктуулукту чыңдоо аракеттери каралган.


















