Бүгүн, 13-октябрь Ирандын аскер деңиз күчтөрүнүн абадан коргонуу системасы өлкөнүн түштүгүндөгү Сирик жээгиндеги Кухестак аймагында америкалык MQ-1 дронун кармап, жок кылды.
Бул тууралуу Иран армиясынын коомчулук менен байланыш бөлүмү маалымдады.
“Бир нече саат мурун америкалык агрессорго таандык MQ-1 дрону Кухестак аймагында (Сирик жээги) Биргелешкен абадан коргонуу штабынын бирдиктүү тармагында иштеген Иран Ислам Республикасынын аскер деңиз күчтөрүнүн жаңы абадан коргонуу системасы тарабынан кармалып, жок кылынды”, – деп айтылат билдирүүдө.
Армия Ирандын аймактык бүтүндүгүн, деңиз чек араларын жана кызыкчылыктарын коргоодон бир мүнөткө да тартынбай турганын билдирди.
