Ош шаарынын аймагында жалпы 16 даана санарип аялдама толук заманбап шарттары менен курулууда. Анын сегизи толук бүттү.
Бул тууралуу шаардык мэриянын маалымат кызматы кабарлады.
Маалыматка караганда, учурда калган аялдамаларда жумуштар жүрүп жатат.
Жаңы аялдамалар санарип багытында болуп, лед аркылуу шаардын онлайн картасын, каттамдардын кайсыл жерде келип жаткандыгын көрсөтүп турат. Ошондой эле тейлөө борбору иштеп, тазалыгы жана коопсуздугу камсыздалат.
Мэрия учурда эки аялдаманын курулушу токтоп турганын да кошумчалады.
«Жүргүнчүлөр үчүн олтуруучу орундук аз болуп, белгиленген адам санына туура келбей калгандыктан аялдаманы чоңойтуп, орундуктарды көбөйтүү максатында долбоору кайрадан жасалган. Жакынкы күндөрү бул аялдамалар толук бүткөрүлөрүн куруучу тарап билдирди»,- деп айтылат маалыматта.
