Нурдан Орунтаев Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин директору болуп дайындалды. Бул тууралуу мамлекет башчысынын басма сөз кызматынан билдиришти.
Тиешелүү тескемеге президент Садыр Жапаров кол койгон.
Архитектура, курулуш жана турак жай-коммуналдык чарба мамлекеттик агенттигинин директору болуп 2023-жылдын 26-январынан бери иштеп келе жаткан Мырзабек Жыпаркулов президент Садыр Жапаровдун башка Жарлыгы менен ээлеген кызмат ордунан бошотулду.
Белгилей кетсек, Орунтаев Бишкек мэринин орун басары кызматында 2022-жылдын август айынан бери иштеп келе жаткан.



















