Мароккодо күчү 6,9 баллга жеткен жер титирөөдөн каза болгондордун саны 296га жетип, 153 киши жаракат алды.
Бул тууралуу марокколук МАР маалымат агенттиги өлкөнүн ички иштер министрлигинин маалыматына шилтеме берип жазды.
Буга чейин 93 киши каза тапканы маалымдалган.
“296 адам жер титирөөнүн курмандыгы болду, ошондой эле 153 киши жабыркады”, – деп айтылат маалыматта.
Европа-Жер ортолук деңиз сейсмологиялык борборунун (EMSC) маалыматы боюнча, күчү 6,9 баллга жеткен жер титирөө Марракештен 80 чакырым алыстыкта болгон. Андан кийин күчү 4,8, 3,4, 3,2 жана 3,3 баллга жеткен дагы бир нече жер титирөө катталды.

















