Мароккодо тарыхта биринчи жолу өкмөт башына аял дайындалды. Фатима аль-Мансури өлкөнүн тарыхында өкмөт башчысы болуп дайындалган биринчи аял болуп калды.
Бул тууралуу Марокконун мамлекеттик телеканалы кабарлаганын чет элдик ЖМКлар маалымдашты.
Маалыматка ылайык, тиешелүү чечимди өлкөнүн падышасы Мухаммед VI кабыл алган.
Монарх жаңы премьер-министрге өкмөт курамын түзүү тапшырмасын берди.
Аль-Мансуринин дайындалышы 23-сентябрда Мароккодо өткөн парламенттик шайлоодон кийин болду. Шайлоодо биринчи орунду «Аныктык жана модернизация» партиясы ээлеп, Өкүлдөр палатасында 97 мандатка ээ болгон.
Өлкөнүн Конституциясына ылайык, өкмөт башчысын падыша парламенттин төмөнкү палатасындагы шайлоодо биринчи орунду алган саясий партиянын курамынан дайындайт.
Ошентип, Фатима аль-Мансури Марокко королдугунун тарыхында өкмөттү жетектеген биринчи аял болуп калды.

















