Ирандын тышкы иштер министри Аббас Аракчи БАЭнин тышкы иштер министрлери Абдалла ибн Заид Аль Нахайян менен телефондон сүйлөшүп, эки тараптуу кызматташтык маселесин талкуулады.
Эки өлкөнүн ТИМ башчылары сүйлөшүүдө эки тараптуу экономикалык, консулдук жана коопсуздук жаатындагы кызматташтык, ошондой эле аймактык кызматташтыктардагы эки тараптуу мамилелерди өнүктүрүү үчүн диалогду жана пикир алмашууну улантууга басым жасашты.
БАЭнин ТИМ башчысы ирандык кесиптеши Аббас Аракчини Ирандын тышкы иштер министри болуп дайындалышы менен куттуктап, ага ийгиликтерди каалады.
2017-жылдан 2021-жылга чейин тышкы саясат бөлүмүнүн башчысынын орун басары болуп иштеген жана узак убакыт бою өлкөнүн өзөктүк программасы боюнча сүйлөшүүлөрдү жетектеген Аббас Арагчи 21-августта Ирандын тышкы иштер министри болуп дайындалган.
Аль Нахайян өз өлкөсүнүн Иран Ислам Республикасы менен эки тараптуу мамилелерди өнүктүрүүнү, ошондой эле аймактык кызматташууну улантууну каалаганын белгилеп, Тегеран менен Абу-Дабинин ортосундагы кызматташтыкты мындан ары да кеңейтүүнү баса белгиледи.
Ирандын тышкы иштер министри да өз кезегинде Аль Нахайянды Бириккен Араб Эмираттарынын вице-премьер-министрлигине дайындалышы менен куттуктап, бул жаңы кызматта ийгиликтерди каалады.
Сүйлөшүүлөрдүн соңунда тараптар бири-бирин Тегеран жана Абу-Дабиге сапар менен келип кетүүгө чакырышты.


















