Өзбекстандын Берлиндеги элчилигинде Германия менен Өзбекстан өзбекстандык адистерди Германиянын эмгек рыногуна тартууга көмөктөшүүгө багытталган үч тараптуу өз ара түшүнүшүү меморандумуна кол коюшту.
Бул маалыматты Dunyo агенттиги билдирди.
Меморандумга кол коюу эки мамлкет ортосунда миграция жана мобилдүүлүк чөйрөсүндө ар тараптуу өнөктөштүк жөнүндө өкмөттөр аралык макулдашууну ишке ашырууда маанилүү кадам болгону белгиленген.
Документке ылайык, германиялык тараптар өзбекстандыктарга Германиянын дуалдык кесиптик билим берүү мекемелеринде окуу процессин жеңилдетүү үчүн тил курстарын сунуштайт.
Бул Өзбекстандан тандалган адистерди Германиянын ишканаларында гастрономия, логистика жана этти кайра иштетүү өнөр жайы сыяктуу тармактарда иштөө үчүн даярдоого шарт түзөт.
Ошондой эле немис тарап виза жана башка документтерди алуу, Германияда жолугушуу, жумуш орундары менен камсыз кылуу, каттоого туруу боюнча жардам көрсөтөт.
“Жакында Ташкентте “International People Education GmbH” окуу борбору өз ишин баштады.Учурда ал немис тилин билүү деңгээлин аныктоо үчүн тил курстарын, ошондой эле кайсы бир кесиптерге багытталган атайын курстарды сунуштап жатат”,- дейт борбордун директору Акбар Фахриев.
Немис делегациясынын апрель айында Германиянын Эл аралык кызматташтык боюнча Sparkassenstiftung өкүлчүлүгү жана АКБ Микрокредитбанк менен биргеликте практикалык иш-аракеттер планын иштеп чыгуу үчүн Өзбекстанга келиши күтүлүүдө.
Бул долбоордун алкагында Микрокредитбанк германиялык тарап менен үзгүлтүксүз өз ара аракеттенүү үчүн жумушчу топ түзөт.


















