АКШнын Мамлекеттик катчсы Энтони Блинкендин КЭРге үч күндүк сапары Си Цзиньпиндин кабыл алуусунда болуу менен аяктады.
Американын Мамлекеттик катчысынын Кытайга иш сапары жума, 26-апрелде аяктады. Бул тууралуу CNN жазды.
Өзүнүн иш сапарынын акыркы күнү Блинкен КЭР төрагасы Си Цзиньпин менен жолугушуп, кытай лидери “Пекин АКШны “ишенимдүү, ачык жана өз ара түшүнгөн” катары көргүсү келгендигин билдирди. “Биз Кошмо Штаттар Кытайдын өнүгүүсүн позитивдүү жагдайда карайт деп үмүт артабыз”, – деп кошумчалады ал.
Мындан мурда АКШнын мамлекеттик департаментинин башчысы Энтони Блинкендин КЭР ТИМнин башчысы Ван И менен сүйлөшүүлөрү бири-бирине коркунучтуу кадамдар тууралуу өз ара доомат артуу жана эскертүүлөр менен башталгандыгы жөнүндө маалымат берилген.
Мындан тышкары Блинкен Вашингтон Украинадагы кырдаалдын курчушунан улам Кытайга каршы жаңы санкция киргизүүгө даяр экендигин билдирген.
Ал эми россиялык “Комсомольская правда” гезити Блинкен Си Цзиньпин менен жолуккандан кийин капалуу чыккандыгын жазды.
Аталган басылманын журналисти Евгений Умеренков Энтони Блинкенди Кытайда эч кандай шаан-шөкөтсүз, ал тургай аэропортто кызыл килем төшөбөй тосуп алышкандыгына токтолгон.
“Кытайлыктар эч кандай салтанат уюштурушкан жок, демек сүйлөшүүлөр олуттуу болот”,- деп баштап, чындап эле эки тараптын сүйлөшүүсү оор болгондугун, Си Цзиньпин менен сүйлөшүүлөрдөн кийин Блинкен кыжырдангандыгын жашыра албаган билдирүү жасагандыгына ткотолгон.
– Блинкен быйылкы жылы экинчи ирет Кытайга учуп келди, бирок эки жолу тең ага кызыл килем төшөшкөн жок, — деп билдирди ММУнун Азия жана Африка институтунун директору Алексей Маслов. – Мен самолетту көрдүм, аны аэропорттогу жогорку даражалуу кытайлык делегация коно турган жакка эмес самолёттун каптал эшигинен тосуп алышты. Бул Кытай Вашингтонду жагымдуу өнөктөш катары кабыл албай тургандыгынын белгиси.
Көйгөйлүү учурлар бир эле эки тарап өз алдынча түшүнгөн “таза экономикалык атаандаштык” менен байланыштуу эмес. Россия АКШ жана КЭРдин мамилесиндеги негизги көйгөй болуп саналат. Америкалыктардын көз карашы боюнча Пекин тарабынан Россиянын аскердик-өнөржай комплексин колдоо жол берилгис. бул тууралуу АКШ президенти Жо Байден КЭРдин төрагасы Си Цзиньпин менен телефон аркылуу сүйлөшкөндө айткан.
Блинкендин иш сапарынын алдында кытай тарапка Россияга кытайлык эки тараптуу колдонуудагы технологияларды бергендиги үчүн АКШ жазалоо чараларын көрө тургандыгы маалымдалган. The Wall Street Journal маалымат каражатынын билдирүүсү боюнча, мамкатчы кытайлык бийликке бир нече жергиликтүү банктарды дүйнөлүк каржы системасынан үзүп сала турган санкциялар тууралуу айтууга даярданган.
Бул эскертүүгө кытай тараптын жообу да иш сапардын алдында берилген: кытайлык ТИМдин расмий өкүлү Мао Нин Вашингтонду Москва менен Пекиндин ортосундагы достук мамилеге көө жаппоого чакырган. Ал эми сүйлөшүү учурунда КЭРдин тышкы иштер министри Ван И кыска жана ток эте турган сөздү айтты: АКШ Кытайдын ички ишине кийлигишпеш керек жана “кызыл сызыктан” өтпөөгө тийиш.
– Кытайдын көпчүлүк билдирүүлөрү өтө катаал болду,- деп эсептейт Алексей Маслов. – Биз анын ийилип каблагандыгын көрүп турабыз, мурдагыдай эле жолдо баратат. Изоляция, Россияны “өчүрүү” эбегейсиз ички кытайлык көйгөйлөргө алып келет, себеби Россия Кытай үчүн – бул мунай, газ, эң негизгиси саясый колдоо.
Пекиндин Вашингтонго карата дипломатиясынын катаалдыгы бүгүн эле жарала койгон жок. Энтони Блинкендин Ван И менен үч жыл мурда Анкориджедеги биринчи жолугушуусунда эле америкалык кытайлык кесиптешине “Америкалык эл дүйнөгө кожоюн экендигин, албетте кытайлыктар да улуу экендигин” түшүндүрүп, аз жерден кыйкырып жибере жаздаган. Ошондо Ван И бул сөзгө АКШда өзүнүн демократиясы бар экендигин, Кытайдын да өзүнүн демократиясы бардыгын айтып жооп кайтарган. Ошондой эле америкалыктар бир аз сабырдуу болуп, өз демократиясын дүйнөнүн калган өлкөлөрүнө токтотушу керектигин кошумчалаган.
















