Кытай менен Америка Кошмо Штаттары акыркы эки күндө кесипкөй, акылга сыярлык, терең жана ачык пикир алмашууларды өткөрүштү. Бул тууралуу Кытайдын эл аралык соода сүйлөшүүлөрүндөгү өкүлү жана Соода министрлигинин орун басары Ли Чэнган “Синьхуа” агенттигине билдирген.
Анын айтымында, эки тарап 5-июнда эки өлкө жетекчилеринин телефондон сүйлөшүүсүндө жана андан мурун Женевада өткөн сүйлөшүүлөрдө жетишилген макулдашууларды ишке ашыруунун негизги принциптери боюнча бир пикирге келишкен.
“Лондон шаарында жетишилген бул прогресс Кытай менен АКШнын ортосундагы ишенимди чыңдоого жана экономика менен соода байланышынын туруктуу, ден соолукта өнүгүшүнө өбөлгө болот деген үмүт бар”, — деди Ли Чэнган.
Ал кошумчалагандай, бул жолугушуу дүйнөлүк экономикалык өсүшкө да оң энергия алып келет.
Кандай сүйлөшүүлөр болду?
Бул — Кытай менен АКШ ортосундагы акыркы убактардагы бажы төлөмдөрүнүн жогорулашынан улам курчуп кеткен соода чыңалуусун жөнгө салууга багытталган жаңы сүйлөшүүлөрдүн айлампасы болду. Жолугушуу 9–10-июнь күндөрү Улуу Британиянын борбору Лондондо өттү.
🔹 АКШ делегациясын:
Финансы министри Скотт Бессент,
Соода министри Говард Лютник,
Соода өкүлү Джеймисон Грир жетектеди.
🔹 Кытай тараптан:
Мамлекеттик кеңештин вице-премьери Хэ Лифэн,
Соода министри Ван Вэньтао,
Министрдин орун басары Ли Чэнган катышты.















