Бул эл аралык форумга дүйнө жүзү боюнча 22 өлкөнүн өкүлдөрү келишкен.
Бүгүн Бишкекте CAMCA регионалдык форуму – Борбор Азия, Монголия, Кавказ, Афганистан чөлкөмүн камтыган саясий эмес платформасы өтүп жатат.
Форумдун негизги максаты – аймактын экономикалык жана социалдык өнүгүүсүн илгерилетүүгө багытталган региондук талкууларды жүргүзүү үчүн түзүлгөн.
CAMCA – Түштүк Кавказдан Монголияга чейинки аймактагы 10 өлкөнүн же Кыргызстан, Казакстан, Өзбекстан, Тажикстан, Түркмөнстан, Афганистан, Монголия, Азербайжан, Армения жана Грузиянын кызматташуу мүмкүнчүлүктөрүн талкуулоого бириктирген алгачкы жана жалгыз аянтча болуп саналат.
Форумга Министирлер кабинетинин төрагасынын орун басары Эдил Байсалов, Борбор Азия жана Кавказ институтунун төрагасы, доктор С. Фредерик Старр, Евробиримдиктин Борбор Азия боюнча атайын өкүлү, элчи Терхи Хакала, Кыргызстандын санариптик өнүктүрүү министри Нурия Кутнаева жана Жогорку Кеңештин бир катар депутаттары катышты. Ошондой эле, Chaudhary Group Global компаниясынын президенти Бинод Чаудхари менен Непалдан футурист, глобалдык спикер, “Xponential” компаниясынын башкы директору Тарик Курейши да болду.
CAMCA форумунун жүрүшүндө төмөндөгү маселелер талкууланмакчы:
• Аймактар аралык соода,
• Транспорт жана транзит,
• Аймактык бизнес жана инвестициялар,
• Экономикалык өнүгүү,
• Ишкердик жана инновация,
• Адамдык капитал жана билим берүү тармагындагы маселелер.
Форумдун жүрүшүндө Э. Байсалов сөз сүйлөдү. Ал сөзүндө “Келечекте Борбор Азия жана Түштүк Кавказ мамлекеттеринин ортосунда экономикалык карым-катнаштагы соода тармактары өнүгөт”,- деди.
Аталган форумга дүйнө жүзү боюнча 70тен ашуун жогорку деңгээлдеги спикрелер жана 22 өлкөдөн 250дөн ашык коноктор катышты.
Эскерте кетсек, CAMCA Регионалдык Форуму 2014-жылы негизделгенделген. Буга чейин форумдун ишине дүйнө жүзү боюнча 33 өлкөдөн 300 компания, 420дан ашуун спикерлер жана 1400дөн ашуун коноктор катышкан.
Ал эми бүгүнкү Бишкектеги CAMCA аймактык форуму-CAMCA Network, Central Asia-Caucasus Institute жана Rumsfeld Foundation фонду тарабынан уюштурулган.























