Баткен шаарында “Элден элге жардам” социалдык дүкөнү ачылды. Бул жерден турмуш шарты оор, чыныгы жардамга муктаж үй-бүлөлөр азык-түлүк иретинде колдоо ала алышат.
Дүкөн Россия менен АКШда иштеген кыргызстандыктардын колдоосу менен ишке кирди. Мекендештер атайын эсепке ай сайын акча которуп турушат.
Азык-түлүк жергиликтүү бийлик тарабынан берилген тизмедеги жардамга муктаж болгон адамдарга акысыз берилет.
Самат Сыдыков көчөсүндөгү дүкөн дүйшөмбү, шаршемби, жума жана ишемби күндөрү саат 11:00дөн 16:00гө чейин иштейт.
Жардам колун сунуп, кайрымдуулук жасоону калаган ар бир инсан келип салымын кошуп кетсе болот.
