Австриянын Грац шаарындагы мектепте окуучу ок чыгарып, сегиз адам набыт болду, алардын жетөө балдар. Бул тууралуу Австриянын маалымат каражаттарына таянуу менен орус ЖМКлары жазып чыгышты.
Акыркы маалыматтар боюнча, 20дан ашык адам жараат алды, анын ичинде окуучулар да, мугалимдер да бар.
Кол салууну Dreierschützengasse көчөсүндөгү BORG орто мектебинин окуучусу жасаган. Ал эки класста ок чыгарган.
Алдын ала маалыматтарга караганда, кол салган адам да каза болгон. Kurier басылмасы ал мектеп окуучусу болгонун, ал өз жанын кыйганын жазат.
Кол салгандар экөө болушу мүмкүн экени жокко чыгарлган жок.
Мектептин аймагында полициянын масштабдуу операциясы жүрүп жатат. Окуя болгон жерге австриялык “Кобра” атайын күчтөрүнүн бир нече бөлүмдөрү жөнөтүлгөн.
ЖМКлар полицияга шилтеме жасап, кол салган адам кемсинтүүнүн курмандыгы болушу мүмкүн деп жазышууда.
Окуянын себептери тууралуу азырынча расмий маалымат жок.



















