Сербиянын Белград шаарында өтүп жаткан күрөш боюнча Дүйнө чемпионатында кыргызстандык балбан Акжол Махмудов грек-рим күрөшү боюнча кайрадан дүйнө чемпиону болду.
77 килограмм салмак ченинде күч сынашкан Махмудов бүгүн, 22-сентябрда болгон финалдык беттеште азербайжандык Санан Сулеймановду жеңип, алтын медаль тагынды.
Акжол Махмудов жарым финалда япониялык Нао Кусаканы 7:5 эсебинде утуп, 2024-жылкы Париж Олимпиадасына жолдомо алган.
Ага чейин норвегиялык Пер Андерс Курени (4:3), 1/8 финалда египеттик Мохаммед Ехаб Захаб Халилди (9:0), ¼ финалда өзбекстандык Арам Варданянды (6:0) уткан.



















