Монголияда өтүп жаткан “Open Ulaanbaatar” рейтингдик мелдешинде килемге чыккан спортсмендер арасынан кыргызстандык Жоламан Шаршенбеков алтын медалга ээ болду.
Бул тууралуу Дене тарбия жана спорт мамлекеттик агенттигинен маалымдашты.
Шаршенбеков 63кг чейин салмакта күч сынашып, биринчи жана экинчи айлампалык беттештерде каршылаштарын ишенимдүү жеңген, үчүнчү айлампада ирандык Мохаммад Кешткарга 1-10эсебинде утулуп калган.
Ал эми жарым финалдык беттеште казакстандык Еркебулан Ардаковду 3-1 эсебинде утуп, финалдык беттеште ирандык каршылашы жаракатынан улам килемге чыккан жок. Жыйынтыгында Жоламан Шаршенбеков алтын медалдын ээси болуп, чемпион аталды.
Буга чейин кыргызстандык балбандар 6 медаль (1 күмүш, 5 коло) багындырышкан.
Күмүш медалдын ээси:
▪️Азат Салидинов (87кг чейин);
Коло медалдын ээлери:
▪️Жантөрө Мирзалиев (72кг чейин);
▪️Аманат Самат уулу (72кг чейин);
▪️Бекзат Орункул уулу (77кг чейин);
▪️Имур Темирбеков (82кг чейин);
▪️Акыл Сулайманов (60 кг чейин).
4-июнда башталган мелдештер 7-июнга чейин уланат.



















