Туура эмес тамактануу, семирүү, кыймылсыз жашоо жана жаман адаттар бул коркунучтуу оорунун жайылышына себеп болууда.
Акыркы жылдары көптөгөн оорулар кеңири жайылууда. Айрыкча жаштар арасында миокарддын инфаркты көбөйүүдө. Эгерде мурда бул оору негизинен 50-60 жаштан ашкан адамдарда байкалса, азыр 30-40 жашта, кээде 20 жаштан араң өткөн жаштарда да кездешет.
Өзбекстандын республикалык адистештирилген кардиология илимий-практикалык медициналык борборунун директору, медицина илимдеринин доктору Хуршид Фозилов ооруунун негизги себептер, коркунуч факторлору жана алдын алуу чаралары тууралуу айтып берди.
– Миокарддын инфаркты – жүрөк булчуңунун белгилүү бир бөлүгүнүн кан жетишсиздигинен иштебей калышы. Бул көбүнчө кан тамырлардын бүтөлүшүнө, холестериндин топтолушуна же уюган кандын пайда болушуна байланыштуу. Бул абал жүрөк тарабынан камсыз кылынган кандын агымын кескин азайтат жана коркунучтуу кыйынчылыктарга алып келиши мүмкүн, дейт дарыгер.
Анын айтымында, жаштар арасындагы инфаркттын негизги себептери биринчи кезекте туура эмес тамактануу жана семирүү болуп саналат.
– Тилекке каршы, бүгүнкү күндө жаштардын басымдуу бөлүгү фастфуд, майлуу жана куурулган тамактарды, газдалган суусундуктарды жана канттуу азыктарды колдонушарын танууга болбойт. Бул ашыкча салмакка, кан басымдын жогорулашына жана тамырларда атеросклероздун өнүгүшүнө алып келет, дейт дарыгер.
Хуршид Фозилов кыймылсыз жашоо (гиподинамия) да бул оорунун пайда болушуна шарт түзөрүн баса белгиледи.
– Моюнга алалы, компьютер, смартфон жана башка гаджеттер жаштарды бир аз жалкоо кылып койду. Жумушта же окууда кыймылдын аздыгы жана бир жерде көпкө отуруу кан айланууга терс таасирин тийгизет. Дагы бир жагдай, азыркы жаштар дайыма стресске кабылышат. Туруктуу чыңалуу жана нервденүү организмдеги адреналин менен кортизолдун деңгээлин жогорулатат, бул жүрөккө жүктү көбөйтөт жана инфаркт коркунучун жогорулатат. Тамеки чегүү жана алкоголдук ичимдиктер да жаштар арасында бул оорунун эрте пайда болушуна себеп болгон факторлордун бири. Тамекилердин курамындагы никотин жана башка зыяндуу заттар кан тамырларын тарытат. Албетте, бул кандын жүрөккө келишин кыйындатат. Мындан тышкары, алкоголдук ичимдиктер да кан басымдын көтөрүлүшүнө жана жүрөктүн кагышынын бузулушуна алып келет, дейт дарыгер.
Хуршид Фозиловдун айтымында, бул оорунун алдын алуу үчүн физикалык активдүүлүк, туура тамактануу жана жаман адаттардан баш тартуу зарыл.



















