Евробиримдиктин Климаттын өзгөрүшүн изилдеген кызматынын маалыматы боюнча, өткөн июнь айы акыркы 12 айдын ичинде рекорддук эң ысык деп таанылып, орточо глобалдык температура өнөр жайга чейинки деңгээлден дайыма 1,5°C ашып кеткендиги тастыкталды.
Июнь айында деңиз бетинин орточо температурасы 20,85°Сге жетти, бул рекорддук көрсөткүч, деп билдирет БУУнун жаңылыктар кызматы.
Дүйнөлүк Метеорологиялык Уюмдун баш катчысы Селесте Сауло: “Бул түндүк жарым шарда жайдын салттуу чокусуна чейин болгон, анда катуу ысыктын мезгили байкалат” деди.
Июнь айында Европанын түштүк-чыгышында жана Түркияда температура орточо деңгээлден жогору болсо, Батыш Европада, Исландияда жана Орусиянын түндүк-батышында температура орточо же андан төмөн болгон. Европадан тышкары Канаданын чыгышында, АКШнын батышында жана Мексикада, Бразилияда, Сибирдин түндүгүндө, Жакынкы Чыгышта, Түндүк Африкада жана Антарктиданын батышында температура орточо деңгээлден жогору болгон.
2024-жылдын июнь айы Исландияда, Европанын борбордук бөлүгүндө жана түштүк-батышында нормадан нымдуураак болуп, катуу жамгыр жаап, Германия, Италия, Франция жана Швейцарияда суу ташкынына алып келди.
Париж келишимине ылайык, өлкөлөр Жердин узак мөөнөттүү орточо глобалдык температурасын өнөр жайга чейинки деңгээлден 2°C төмөн кармап турууга жана ушул кылымдын аягына чейин аны 1,5°Сге чейин чектөөгө аракет кылышкан.

















