Telegram мессенджеринин негиздөөчүсү Павел Дуров Кыргызстанга келгенин жергиликтүү ЖМКлар өз булактарына таянуу менен жазып чыгышты.
Маалыматтарда Дуров учурда Ысык-Көлдө экени айтылат.
Белгилей кетсек, миллиардер буга чейин ушул жайда Борбор Азияга барууну пландап жатканын өзүнүн Telegram каналынан билдирген.
“Жайында Борбор Азияга барам. Ал жактагы жашоо кандай экенин, адамдар Telegram кантип колдонорун жана алардын санарип муктаждыктарын билгим келет”, – деп жазган ал.
Павел Дуров – россиялык ишкер, “ВКонтакте” социалдык тармагынын жана Telegram мессенджеринин негиздөөчүсү катары белгилүү.



















