Өзбекстандын президенти Шавкат Мирзиёев Жиззак облусундагы BYD автозаводуна барып, конвейерден чыккан биринчи электромобилге кол тамгасын калтырды.
Завод январь айында Мирзиёевдин Кытайга иш сапары учурунда ишке киргизилген. Бул 160 миллион долларлык долбоордун биринчи этабы жана жылына 50 миң электромобилди чыгарууга жөндөмдүү.
«Учурда бул жерде «Чазор» жана «Сон плюс Чемпион» моделдери чыгарылат. Шавкат Мирзиёев конвейерден чыккан биринчи электромобилге өзүнүн кол тамгасын калтырды», — деп билдирди президенттин басма сөз кызматы.

Жакынкы жылдарда завод моделдердин ассортиментин кеңейтүүнү пландаштырууда. Долбоордун экинчи этабынын алкагында 300 миллион долларлык өндүрүштү жылына 200 миң электромобилге, үчүнчү этаптын алкагында 500 миллион долларга 500 миң электромобилге чейин көбөйтүү пландалууда.
Мамлекет башчынын басма сөз кызматы билдиргендей, локалдаштыруу деңгээли акырындык менен жогорулайт. Биринчи кезекте бампер, айнек, лакталган жана пластмасса тетиктерин чыгаруу жолго коюлат. Келечекте аккумуляторлорду, электр кыймылдаткычтарын, алюминий тетиктерин, дөңгөлөктөрдү, отургучтарды чыгаруу пландалууда.

Мындан тышкары локализациялоо долбоорлору аркылуу өндүрүштүн наркын төмөндөтүү чаралары талкууланды. Келечектеги максат – аймактын базарларына чыгуу, деп белгиленет докладда.

Ишканада 1,2 миң адам иштейт. Былтыр UzAuto Motors заводдорунда 200 кызматкер окутулган. Быйыл дагы 92 адис Кытайдын Сиань жана Чанша шаарларында сапатты көзөмөлдөө, технология, камсыздоо жана жабдууларды тейлөө багытында окуудан өтүшөт. Үчүнчү этапта жумушчулардын саны 10 миңге жетет.




Сүрөт: Президенттин басма сөз кызматы.



















