Сербиянын президенти Александр Вучич Европанын өлкөлөрү Россия менен мүмкүн болуучу аскердик кагылышууга даярданып жатат деп эсептейт.
“Фактыларды талдай келгенде, Европа менен Россиянын ортосундагы согуш барган сайын айкын болуп баратат деген тыянакка келдим. Бул куру кабар эмес. Баары ага даярданып жатат”, — деп Вучич дүйшөмбү күнү Pink TV телеканалындагы маегинде.
Муну менен ал Франциянын Куралдуу күчтөрүнүн Башкы штабынын начальниги Фабиен Мандондун француз армиясы үч-төрт жылдан кийин Россия менен кагылышууга даяр болушу керек деген билдирүүсүнө комментарий берди.
Вучич ошондой эле Сербия Батыш өлкөлөрү менен Россиянын көздөгөн максаттарынын контекстинде оор кырдаалда калганын билдирди. Анын айтымында, Сербия өзүн коргоо үчүн армиясын чыңдоону улантышы керек.
“Биз армиябызды чыңдоону улантышыбыз керек. Биз акыл менен куралданып жатабыз. Өлкөбүздү коргоо үчүн ири каражаттарды салууну улантышыбыз зарыл”, — деди ал.
Акыркы жылдары Россия НАТОнун батыш чек араларында болуп көрбөгөндөй активдүүлүгүн белгилеп келет. Альянс өзүнүн демилгелерин кеңейтип, муну агрессиянын ооздуктоосу деп атоодо. Москва Биримдиктин Европадагы күчтөрүн көбөйтүүсүнө тынчсыздануусун бир нече жолу билдирген. РФ Тышкы иштер министрлиги НАТО менен тең укуктуу негизде диалогго өзүнүн ачык экендигин, ошону менен бирге Батыш континентти милитаризациялоо саясатынан баш тартууга тийиш экендигин билдирди.



















