Өзбекстандын борбору Ташкент шаарында төрт адамдан турган үй-бүлө үчүн бир айлык жашоо чыгымы орточо 23 млн сумду түзөт, ал эми бир адам үчүн — болжол менен 6,5 млн сум. Борбордун арзан ресторанында түшкү тамактануу 60 миң сум болсо, орто деңгээлдеги ресторанда эки адамдык кечки тамак 450 миң сумга чыгат. Жакшы жеке мектепте бир баланы окутуу жылына орточо 123 млн сумдан ашат.
Дүйнөдөгү эң ири онлайн-базалардын бири Numbeo Ташкентте жайлуу жашоо үчүн канча акча талап кылынаарын жарыялады. Платформанын болжолдуу эсеби боюнча, төрт адамдан турган үй-бүлө батир ижарасын эсепке албаганда айына 23 млн 43 миң сум сарптап жакшы жашай алат. Бир адам үчүн бул сумма 6 млн 440 миң сумду түзөт.
Белгиленгендей, Ташкенттеги арзан ресторанда түшкү тамак 60 миң сум турат. Орто деңгээлдеги ресторанда эки адамдык кечки тамак 450 миң сумга бааланат. Фастфуд тармагында чыгымдар орто эсеп менен 50 миң сумду түзөт. Негизги азыктардын баасы мындай: 1 литр сүт — 14 миң сум, 1 кг күрүч — 21,5 миң, 12 даана жумуртка — 19,5 миң, 1 кг уй эти — 119 миң, 1 кг тоок филеси — 50,5 миң, 1 кг алма — 15 миң, 1 кг банан — 21,8 миң, 1 кг помидор — 15,4 миң, 1 кг картошка — 6,8 миң, 1 кг пияз — 4,4 миң сум.
Ошондой эле статистикада тиричилик кызматтарына жана кийим-кечеге кеткен чыгымдар келтирилген. Тактап айтканда, суу, газ, электр энергиясы жана таштанды чыгаруучу кызматтар үчүн жашоочулар 85 чарчы метрлик батир үчүн 300 миңден 1 млн 275 миң сумга чейин төлөшөт. Мобилдик байланыштын орточо айлык төлөмү 46 миң сум болсо, кабелдик интернет болжол менен 139 миң сум турат.
Жеке бала бакчалардын айлык акысы 2,5 млн сумдан 6,1 млн сумга чейин жетет. Ал эми эл аралык жеке мектептерде бир баланы окутуу жылына орточо 123 млн сумдан ашат.
Numbeo маалыматына ылайык, чыгымдардын түзүмү мындайча бөлүштүрүлгөн:
27,9% — дүкөндөрдөн азык-түлүк сатып алуу,
29,9% — батир ижарасы,
14,6% — ресторандардагы тамак-аш,
9,8% — транспорт,
7,8% — спорт жана көңүл ачуу.
Орточо киреше канча?
Numbeo маалымат базасы 127 өлкөнүн айлык таза эмгек акысын келтирет. Анын эсебинде, Өзбекстан жарандарынын орточо айлык кирешеси салыкка чейин 499 долларды түзөт.
Мунун негизинде Өзбекстан 127 өлкөнүн ичинен 85-орунду ээлейт.
Алдыңкы үчтүккө Швейцария, Люксембург жана Ирландия кирген. Түркия — 55-орунда, Россия — 63-орунда, Казакстан — 82-орунда, Азербайжан — 90-орунда, Кыргызстан — 95-орунда, Тажикстан — 108-орунда турат.
P.S. Белгилей кетүүчү жагдай, 1 АКШ долларынын курсу 0,000082 өзбек сумуна барабар же 0,007172 кыргыз сомуна барабар. Ал эми өзбек акчасынын орус рубли менен куну – 0,006842



















