Кыргызстандын туусун өзгөртүү демилгеси коомчулукта кызуу талкууланууда. УКМКнын төрагасы Камчыбек Ташиев да бул демилге боюнча пикирин билдирди.
“Урматтуу мекендештер!
Бүгүн өлкөбүздүн Президенти С.Н.Жапаровдун жетекчилигинде Жалал-Абад шаарында Аюб тоодо мамлекетибиздин туусун көтөрдүк.
Эки күндөн бери туубузду өзгөртсөк болобу же болбойбу деп талкуулап жатасыздар, менин пикирим боюнча өзгөртүшүбүз керек! Туубузга карап түздөлөбүз, урматтайбыз, мамлекетибизди туу аркылуу таанышат, демек күн карама болбостон тике тийген, күндөй жаркыраган белги берилиш керек. Мен мамлекетибиздин туусун өзгөрткөндү колдоймун.
Күндүн нурундай жаркыраган Туубуздун алдында бир муштумдай бирдиктүү бололу!”, – деп жазды Ташиев соцтармактагы баракчасына.
Урматтуу мекендештер!Бугун олкобуздун Президенти С.Н.Жапаровдун жетекчилигинде Жалал-Абад шаарында Аюб тоодо…
Опубликовано Kamchybek Tashiev Четверг, 26 октября 2023 г.
Эске салсак, буга чейин Жогорку Кеңештин депутаттары Нурланбек Шакиев менен Улан Примов Кыргызстандын туусундагы күн нурунун формасын өзгөртүүнү сунушташкан. Демилгени президент Садыр Жапаров да колдогон.



















