Дүйнө өлкөлөрү Австралиянын борбору Сидней шаарындагы Бонди-Бич жээгинде 15тен ашуун кишинин өмүрүн алып, 40тан ашуунун жаракат кылган кол салууну айыпташууда.
Окуя 14-декабарда болуп, куралчан адамдар Сиднейдеги Бонди-Бич жээгинде адамдарга ок чыгарышкан. Жаңы Түштүк Уэльс полициясынын маалыматы боюнча, куралчан адамдар 50 жана 24 жаштагы эки ата-бала болгон. Кол салуудан 16 адам, анын ичинде кол салгандардын бири каза таап, 40 адам жарадар болду. Израилдик Kan мамлекеттик телерадиокомпаниясы кабарлагандай, окуя жөөттөрдүн Ханука майрамын белгилөө маалында болгон. Ал жерге жергиликтүү жөөт коомунун мүчөлөрү чогулган. Кийинчерээк Жаңы Түштүк Уэльстин полициясы окуя болгон жерден эки колго жасалган жардыргыч зат табылып, зыянсыздандырылганын билдирди. Полиция окуяны теракт деп тааныды.
Эл аралык реакция
-
Австралиянын премьер-министри Энтони Альбанезе ок атууну үрөй учурган жана тынчсыздандырган окуя деп атады. Ал ошондой эле курал-жаракка ээ болуу тууралуу мыйзамды катаалдаштырууга даяр экенин билдирди.
- Ирандын Тышкы иштер министрлигинин басма сөз катчысы Исмаил Багаи кол салууну айыптап, карапайым калктын ар кандай өлтүрүлүшү кабыл алынгыс экенин белгиледи.
“Биз Австралиянын Сидней шаарындагы ырайымсыз кол салууну айыптайбыз. Террор жана адам өлтүрүү кайсы жерде жасалбасын, четке кагылат жана айыпталат”,- деп жазды Багаи Х соцтармактагы баракчасына.
-
Россиянын башкы раввини Берл Лазар теракт үчүн жоопкерчилик түздөн-түз террористтердин өздөрү менен катар, аларды каржылагандарга, курал бергендерге жана колдоо көрсөткөндөргө да жүктөлөт деп баса белгиледи.
Россиянын Тышкы иштер министрлигинин басма сөз катчысы Мария Захарова терроризмди эч кандай актоого болбойт деп баса белгиледи.
- Израилдин тышкы иштер министри Гидеон Саар куралдуу кол салууну “еврейлерге каршы теракт” деп атап, аны “Австралиянын көчөлөрүндө антисемитизмдин күчөшүнүн натыйжасы” деп мүнөздөдү.
- БУУнун Башкы катчысы Антониу Гутерриш кол салууну айыптады.
- Ошондой эле Улуу Британиянын премьер-министри Кир Стармер, Германиянын канцлери Фридрих Мерц, Чехиянын премьер-министри Виктор Бабиш, кызматтан кетип жаткан өкмөт башчысы Петр Фиала жана башка саясатчылар көңүл айтышты.
- Франциянын президенти Эммануэль Макрон да антисемитизм менен күрөшүү зарылдыгын жазды.”Франция курман болгондорго, жабыркагандарга жана алардын жакындарына көңүл айтат. Биз Австралия элинин кайгысын тең бөлүшөбүз”, – деп жазды Макрон Х баракчасына.
- Италиянын премьер-министри Жорджа Мелони зордук-зомбулуктун жана антисемитизмдин бардык формаларын жок кылуу үчүн бекем чечкиндүүлүктү сактоого чакырды.
- Япониянын өкмөтү да терактты айыптады. Япониянын министрлер кабинетинин башкы катчысы Минору Кихара каза болгондордун үй-бүлөлөрүнө көңүл айтты.

















