МАГАТЭнин башкы директору Рафаэль Гросси Москвадагы Дүйнөлүк атом жумалыгына катышууну пландап жатканын билдирди.
Эл аралык атом энергиясы агенттигинин (МАГАТЭ) башчысы Рафаэль Гросси 25–28-сентябрь күндөрү өтө турган Москвадагы Дүйнөлүк атом жумалыгына барууну пландап жатканын айтты.
«Кийинки жумада Москвадагы Дүйнөлүк атом жумалыгына барууну чыдамсыздык менен күтүп жатам», — деп жазды Гросси өзүнүн Х баракчасында.
Ошондой эле ал ошол билдирүүсүндө «ядролук энергетиканын маанилүү өсүшүн жана ядролук коопсуздукту» талкуулоо үчүн «Росатомдун» башчысы Алексей Лихачёв менен жолукканын билдирди.
2025-жылдын 25–28-сентябрында Москвадагы Эл чарба жетишкендиктеринин көргөзмөсү имаратында (ВДНХ) WorldAtomicWeek эл аралык форуму өтөт. Иш-чара атом жана ага байланыштуу тармактарга арналган. Ага атом программаларын өнүктүрүп жаткан өлкөлөрдүн жетекчилиги, дүйнөлүк эксперттер жана ири компаниялардын жетекчилери катышат. Форум Россиядагы атом өнөр жайынын 80 жылдыгына арналат.
Июлдун аягында Лихачёв орус тарап Гроссиге атом өнөр жайы жумалыгына катышуу үчүн чакыруу жөнөткөнүн, ал макулдугун бергенин билдирген. Россиянын ТИМи консультациялар Россия менен МАГАТЭ ортосунда адатта үч-төрт айда бир өтөрүн, ошондуктан Гросси Россияга сентябрдын аягында келерин маалымдаган.
