14-апрелде Улуу Ата Мекендик согуштагы Жеңиштин 80 жылдыгына карата Ош шаарындагы “Өчпөс от” мемориалдык комплексинде эскерүү аземи өттү.
Иш-чарага Ош облусунун башчысы Эльчибек Джантаев, Ош шаарынын мэринин орун басары, ошондой эле Россия Федерациясынын Алтай крайынын Өкмөтүнүн Төрагасынын орун басары Игорь Степаненко жана Алтай крайынын мамлекеттик филармониясынын чыгармачыл жамааты катышты.
Алар ата-бабалардын эрдигине таазим кылып, эстеликке гүл коюп, бир мүнөт унчукпай турууну менен алардын жаркын элесин эскеришти. Бул иш-чара Улуу Жеңишке болгон урмат-сыйдын, муундардын унутулгус тарыхка болгон ыйык мамилесинин белгиси катары өттү.
Бүгүнкү күндө Кыргызстанда Улуу Ата Мекендик согуштун 32 ардагери калды. Алардын ичинен 14ү — согуштун ардагери, жетөө — концлагерлердин туткуну, 11и — Ленинград блокадачысы.
1941–1945-жылдардагы Улуу Ата Мекендик согушка Кыргызстандан 360 миңден ашуун адам аттанган. Алардын 114 миңден ашыгы кайтпай калган, 56 миңден көбү дайынсыз жоголгон.



















