Орусиянын Амур облусунда кырсыктаган Ан‑24 учагындагы жүргүнчүлөрдүн баары каза болгон деп болжолдонууда. Учак конууга аракет кылып жатып, тоонун бооруна тийип кулаган.
Бул тууралуу ТАСС агенттиги маалымдады.
Маалыматка караганда, экипаж аба‑ырайынын начар шартында конууга аракет кылып жатып, бирок дөңсөөгө тийип, натыйжада кырсыкка кабылган. Бирок учурда расмий иликтөөлөр жүрүүдө жана башка версиялар да каралууда.
Амур облусунун губернатору Василий Орлов учакта 43 жүргүнчү (анын 5и бала) жана 6 экипаж мүчөсү болгонун билдиргенин Lenta.ru агенттиги кабарлады.
Reuters агенттиги билдиргендей, учак Тында аэропортуна конуу алдында радардан жоголгон.
The Moscow Times сайты болсо учакта 49 киши каза болгонун жазды. Учак 1976-жылы чыгарылганын, 2021‑жылга чейин техникалык текшерүүдөн өткөнүн жана 2036-жылга чейин учууга уруксат берилгенин маалымдады.
Учурда окуя боюнча Орусиянын укук коргоо органдары тарабынан кылмыш иши козголуп, аба каттамдарынын техникалык иликтөөлөрү жүргүзүлүүдө. Расмий органдар учактын техникалык абалы жана экипаждын аракеттери боюнча азырынча так маалымат берише элек.
















