Москванын четиндеги Красногорск шаарындагы “Крокус Сити Холлдо” теракт жасоого шектелип кармалгандардын бири Түркиядан 4-мартта келгенин айтты.
Сурак учурундагы видеону «Россия сегодня» медиа тобунун жана RT телеканалынын башкы редактору Маргарита Симонян Telegram каналында жарыялаганын РИА Новости жазды.
Шектүү кураторлор аны менен бир ай мурун Telegram аркылуу байланышып, курал-жарак менен камсыз кылганын айткан. Ага залдагы адамдардын баарын өлтүрүү тапшырмасы берилип, бул үчүн бир миллион рублга жакын акча сунушталган.
Жарыяланган кадрларда ал өзүн Фариддун Шамсутдинге окшош ат менен тааныштырып,– 1998-жылдын 17-сентябрында туулгандыгын айткан.
Симонян ошондой эле террордук чабуулга шектелген дагы бир адамды суракка алып жаткан видеону жарыялады.
Видеодон кылмышкер тажик тилинде сүйлөп, анын сөздөрүн кадр сыртында котормочу которуп жатканын көрүүгө болот.
Кийинчерээк Telegram каналдарда үчүнчү шектүүнүн сурактагы видеосу жарыяланды.
Сурак учурунда үчүнчү шектүү өзүн Раджаб Ализаде деп тааныштырып, куралдарды шериктери менен бирге Брянск облусуна бараткан жолдо ташташканын айтты.
Крокустагы теракт
22-март күнү кечинде Красногорск шаарындагы “Крокус Сити Холл” имаратында атышуу болуп, өрт чыккан. Бул учурда ал жерде “Пикник” тобунун концерти өтүшү керек болчу. Окуяга күбө болгон РИА Новости агенттигинин кабарчысы билдиргендей, залган беткапсыз, камуфляж кийген кеминде үч адам платформа аркылуу кирип келишип, ал жердени адамдарга ок чыгарып, күйгүзүүчү шашкаларды ыргытышкан. Натыйжада ири өрт чыккан.
Акыркы маалыматтар боюнча 133 адам каза болгон. Ооруканага 110дон ашык адам жеткирилген.
Ишемби күнү эртең менен ФСБнын директору Александр Бортников президент Владимир Путинге 11 адам, анын ичинде терактка түздөн-түз катышкан төрт кылмышкер тең кармалганын билдирди.
Атайын кызматтын маалыматы боюнча, терактка шектүү төрт киши Брянск облусунда кармалган. Теракт жасагандан кийин алар автоунаа менен качып, Россия-Украина чек арасынан өтүүгө аракет кылышкан.
Тергөө комитети теракт боюнча кылмыш ишин козгоду.

















