Доханын түндүк-чыгышындагы Рас-Лаффан өнөр жай аймагындагы газ иштетүүчү заводдогу жарылуудан кеминде 54 адам жаракат алып, 18 адам дайынсыз болууда.
Бул тууралуу Катардын Ички иштер министрлиги билдиргенин иран ЖМКлары маалымдашты.
“Рас-Лаффан өнөр жай аймагындагы заводдордун биринде болгон кырсыктан жабыркагандардын жалпы саны 54кө жетти. “Лехвия” ички коопсуздук күчтөрүнүн издөө-куткаруу тобу жарандык коргонуу менен биргеликте дайынсыз болуп жаткан 18 адамды издөө операциясын жүргүзүп жатат”, – деп айтылат Ички иштер министрлигинин билдирүүсүндө.
Катуу жарылуу 21-июнь күнү кечинде Доха шаарына жакын жердеги “QatarEnergy” ишканасында болгон. Бийликтин маалыматы боюнча, окуя техникалык бузулуудан улам келип чыккан. Компаниясы өндүрүштү баштоо учурунда “Barzan” газ бөлүштүрүүчү пунктунда “жарылуу жана өрткө алып келген окуя” болгонун ырастады.
Өрттү өчүрүү үчүн окуя болгон жерге дароо куткаруу топтору жөнөтүлүп, өрт көзөмөлгө алынган.

















