Газа тилкесинде жер которууга аргасыз болгон үй-бүлөлөр күн сайын таң эрте ичүүчү таза суу издөө үчүн узак аралыктарды басып өтүшөт. Бирок алардын көбү керектүү сууну таппай кайра кайтууга мажбур болушууда.
Суу түтүктөрүнүн, кудуктардын жана тазалоочу жайлардын кеңири масштабда талкаланышы, ошондой эле запастык тетиктердин менен күйүүчү майдын киргизилишине тоскоолдуктар таза сууга жетүүнү күнүмдүк кыялга айлантты.
Бул кризистин эң чоң жабырлануучулары балдар болууда. Алардын арасында ич ооруу, ич өткөк жана кусуу учурлары көбөйгөн. Энелер болсо кымбат суу сатып алуу менен тамак-аш камсыздоонун ортосунда тандоо жасоого аргасыз.
Бириккен Улуттар Уюмунун ичүүчү суу боюнча атайын баяндамачысы согушка чейинки ичүүгө жарактуу суунун болгону 10 пайызы гана калганын билдирди.
Баяндамачы Израилди «сууну согуш куралы катары колдонуп жатат» деп айыптады.
Абанын температурасы кескин жогорулап жаткан шартта көптөгөн үй-бүлөлөр туздуу жана булганган жер астындагы сууларды колдонууга мажбур болуп, бул алардын ден соолугуна олуттуу коркунуч жаратууда.
Эл аралык коомчулук азыркыга чейин Газанын суу блокадасын жоюу боюнча олуттуу практикалык чара көрө элек.



















