Эң көп айлык алган мамлекет башчыларынын арасында Сингапурдун премьер-министри Лоуренс Вонг жыл сайын 1,69 миллион долларга жакын кирешеси менен алдыда келе жатат, деп жазат Forbes Саясий маяналардын эсептөөлөрүнө таянып.
Экинчи орунда 569,5 миң доллар жылдык маяна менен Швейцариянын президенти Виола Амхерд, үчүнчү орунда жылына 412,5 миң доллар кирешеси менен Австралиянын премьер-министри Энтони Албанезе жайгашты. АКШнын президенти Жо Байден 400 миң доллар жылдык маяна менен төртүнчү орунду ээледи. Эң көп айлык алган дүйнө лидерлеринин бештигине Австриянын канцлери Карл Нехаммер кирди жана анын жылдык маянасы 316,7 миң долларды түзөт.
Россиянын президенти Владимир Путин 113,6 миң жылдык маяна менен 28-орунда, ал эми эң аз айлык алган лидер жылына 1,7 миң доллар алган Эфиопиянын премьер-министри Абий Ахмед Али болду.
Рейтинг Өзбекстан, Казакстан жана КМШнын башка өлкөлөрү боюнча маалымат берген эмес.
Лоуренс Вонг Сүрөт: AFP Getty Images аркылуу.



















