Румыниянын Галати аймагында миңдеген үйлөрдү суу каптап, бир нече миңдеген адамдар үйлөрүн таштап кетүүгө аргасыз болду. Табигый кырсык ошондой эле жолдорду жана көпүрөлөрдү бузуп, аба ырайынын кескин өзгөрүшү көптөгөн шаарлар үчүн кырсыкка айланып, адам курмандыктарына алып келгенин «Казинформ» агенттиги билдирди.
Бүгүнкү күндө суу тартылып, таштанды, топурак жана кыйроого толгон үйлөр калды.
Италиянын Эмилия-Романья аймагында тазалоо иштери башталды. Аба ырайынан катуу жабыркагандарга ыктыярчылар жардамга келишти.
Келтирилген зыяндын көлөмү азырынча тактала элек, бирок жума күнү Италиянын премьер-министри Джорджия Мелонинин өкмөтү алгачкы жардам катары 20 миллион еврону бекитти.
Венгрияга да катуу сокку урулду. 642 см бийиктикте Дунай дарыясындагы суу жээгинен ашып кетүү коркунучун жараткан. Дунай дарыясындагы суунун деңгээли эң жогорку чегине жеткендиктен, ал жерде суу ташкындын туу чокусу күтүлгөн.
Суу ташкындын жаңы толкунуна даярдык көрүү үчүн метронун кире бериштери сыяктуу негизги инфраструктура кум каптар менен бекемделди.
Буга чейин Европарламент Австрия, Чехия, Германия, Венгрия, Польша, Румыния жана Словакиядагы кыйраткыч суу ташкындары боюнча резолюция кабыл алганы маалымдалган.
Польшанын бир катар муниципалитеттерин нөшөрлөгөн жамгыр суу каптады. Жабыркагандар бар, Польшанын түштүк-батышындагы Клодзко районунда 1600 адам эвакуацияланган. Бяла-Глухоласка дарыясы жээгинен ашып, Глухолазка шаарын каптаган. Шаар мэри элди жардамга чакырды. Польшанын премьер-министри Дональд Туск эң көп жабыркаган аймактарда табигый кырсык болгонун билдирди. Ошондой эле Румыния, Австрия жана Чехияда селден жабыркагандар бар.
Польшанын премьер-министри Дональд Тусктун демилгеси менен Вроцлавда Еврокомиссиянын төрайымы Урсула фон дер Ляйендин, Чехиянын, Словакиянын өкмөт башчыларынын жана Австриянын канцлеринин катышуусунда суу ташкынынын абалы боюнча саммит өтөт.



















