Камчы Көлбаевдин байлыгы 1 млрд$ же 88 млрд сом болот экен. Кыргызстандын мамлекеттик бюджетинин 5/1 бөлүгүнө жакындап барат. Бул каражат кайдан келди? Мынча акчаны 20 жылдын ичинде маңдай тер менен иштеп таба албайсың.
Адам катары мыкты ата, мыкты күйөө болушу мүмкүн, бирок мыйзам алдында кылмышкер болуп эсептелет эмеспи.
Бүгүнкү күндө криминалды идеал тутуп, баатыр эсептегендерге таң каласың. Алардын колу адамдын канына боёлгон. Кримтөбөлдөр канчалаган кыздарды зордуктап, ишкерлерди сындырып же алардын ишин тартып алып, наркотик сатуу менен шугулданышып, канчалаган адамдардын наркоман болушуна салым кошуп келишти. Эчендеген жигиттердин тагдырын талкалашты. Канчалагандар өмүрүнөн ажырап, кээ бирлерин токмоктоп ден соолугунан ажырашты.
Кримтөбөлдөрдү баатыр туткандардын бири да өздөрүнүн балдарын ушундай мыйзамсыз жол менен жашап, өмүрүнүн акыры кайгы менен аякташын каалашпайт. Жөн гана куру дүрмөт менен соц.тармакта “ар немени” жазып отурушат.
Өнүккөн өлкө – криминалсыз өлкө!!! Башка жол жок!
Өлкө башчылары криминалга карата аёсуз күрөш жүргүзүп жатканы колдоого аларлык иш.
Мамлекеттин кызыкчылыгы башкы орунда болгондуктан караларга каршы күрөш башталды деп түшүнсөк болот. Жеке кызыкчылыктары менен иш кылышканда “…душман чогултуп эмне кылабыз…” деп тынч отура беришпейт беле.
Президент Садыр Жапаровдун эл алдында сүйлөп жатып (2021-жыл) “…өнүккөн өлкөдө жашабайлыбы…” деп айтканы жөн жерден эле айтылды деп ойлойсуңарбы? Буга чейин УКМК төрагасы Камчыбек Ташиевдин каралар дүйнөсүнө берген эскертүүсүн көптөр ооздун жели катары кабыл алышса керек.
Өлкөнүнүн өнүгүүсүнө бут тосуп, уюшкан кылмыштуу топ түзөм дегендерге карата да катуу эскертүү берилди.
Эми Кыргызстанга келген инвесторлорго “налог салам” деген каралар болбойт!
Кыргызстаныбыз өнүгүү жолунда, ушул багыттан тайбашына ар бирибиз салым кошуп, президенттин жүргүзгөн саясатын колдойлу.
Усубалы Каганат,
(макала автордун Фейсбуктагы барагынан алынды).
