Ушул күндөрдө Көлдө картошканын баасы талаадан 9 – 10 сомго түшүп, ошого да кардар жок. Биржада иштегендер аялдар 2500 сомго чейин, эркектер 3000 сомго чейин алып атышат. Бир гектар картошканы жыйноого 150 000 сомдой кетип жатат. Талаасын жыйноого каражаты жок көп дыйкандар бар.
Чоң картошкаларын терип алып, орточо, майдаларын талаага таштап жатышат дыйкандар.
Муну айыл чарбасындагы өзгөчө кырдаал десек болот.
Илгерки Союздун тажрыйбасын колдонуп, Көл өрөөнүндөгү жогорку класстагы мектеп окуучуларын жана студенттерди 5 – 6 күн жардамга чыгарса жакшы болот эле. Биз 3 айлап пахтада жүргөн күндөрүбүз болгон.
Андан жаман окуучу, жаман студент болуп кеткен жокпуз.
Урматтуу Садыр Нуркожоевич!
Урматтуу Акылбек Усонбекович!
Ысык-Көл облусунун жетекчилиги!
Дыйкандар миллиондогон чыгымдарга учурап жатат.
Мен айткан сунушту тез арада ойлонуп көрсөңүздөр.
Дыйкандарга өтө чоң жардам болмок.
Нургазы Мусаев.



















