Дүйнөлүк суюлтулган жаратылыш газ рыногу (ДСГ) глобалдык энергетикалык кризисти узарта турган жаңы долбоорлордо кечигүүлөргө туш болууда.
Бул тууралуу Bloomberg Эл аралык энергетикалык агенттиктин (ЭЭA) жана Wood Mackenzie изилдөө фирмасынын маалыматтарына таянып билдирди.
200 миллиард доллардан ашык инвестицияга карабастан, 2025-жылга чейин күтүлгөн ДСГ профицити кечигүүдө. ЭЭА 2025-жылы ДСГ өндүрүшүнүн өсүү болжолун мурда күтүлгөн 600 миллиарддан 580 миллиард куб метрге түшүрдү.
Компаниянын аналитиги Лукас Шмитт: “Кечигүү баанын күтүлүп жаткан төмөндөшүн жыл башындагыга караганда азыраак көрсөттү” деди.
Кечигүүнүн себептери Техас менен Мексикадагы жаратылыш газын суюлтуучу заводдордун курулушун узартуу, ошондой эле Орусиянын «Арктик СПГ 2» долбоорун токтоткон Батыштын санкциялары болууда.
Ошол эле учурда ДСГга дүйнөлүк суроо-талап өсүүдө. Египет өндүрүш көйгөйлөрү жана ысык жайдан улам быйыл таза импортер болуп калды. McKinsey & Co 2030-жылга карата жасалма интеллект менен байланышкан маалымат борборлорунун энергияга болгон муктаждыгы Европанын энергия керектөөсүнүн 5%ын түзөт деп болжолдойт.
“Биз ДСГ менен камсыз кылууда көп өсүштү көргөн жокпуз, бирок суроо-талап өсүп жатат”, – деди Марк Симонс, TotalEnergies компаниясынын газ жана энергетика бөлүмүнүн башчысы Лондондогу конференцияда.



















