Бириккен Улуттар Уюмунун (БУУ) баш катчысынын өкүлү Стефан Дюжаррик Россия менен АКШнын президенттери Владимир Путин менен Дональд Трамптын алдыдагы жолугушуусу тууралуу комментарий берди. Бул тууралуу РИА Новости жазды.
“Биз мүчө мамлекеттердин (БУУнун-ред.) ортосундагы конструктивдүү диалогду кубаттайбыз”, – деди Дюжаррик.
Ал ошондой эле Москва менен Киевдин ортосундагы жаңжалды жөнгө салуу үчүн биринчи кадам катары БУУнун токтоосуз, толук жана эч кандай шартсыз ок атышууну токтотууга чакырганын эске салды.
Эске сала кетек, буга чейин Дональд Трамптын жана Владимир Путиндин боло турган жолугушуусу жарыяланган.
“Америка Кошмо Штаттарынын президенти катары менин жана Россиянын президенти Владимир Путиндин жолугушуусу келерки жума күнү, 2025-жылдын 15-августунда чоң Аляска штатында болот”, – деген Трамп.
Жолугушуудагы сүйлөшүүнүн негизги темасы украин кризисин жөнгө салуу, башка маселелер дагы күн тартибинде болору белгиленген.
Акыркы маалыматтарга караганда, президенттер Владимир Путин менен Дональд Трамп Алясканын эң чоң шаары Анкоридждеги Элмендорф-Ричардсон биргелешкен базасында жолугушаарын CNN телеканалы билдирди.
Аталган маалымат каражаты белгилегендей, саммиттин уюштуруучулары бул “тарыхый жолугушууну” өткөрүү үчүн талаптарга жооп берген жалгыз жер деген тыянакка келишкен.



















