Бразилиянын полициясы инаугурациянын алдында президент Луис Инасио Лула да Силванын өмүрүнө кол салууну көздөгөн деген шек менен беш кишини камакка алды. Кармалгандардын төртөө аскер кызматкерлери, бешинчиси полиция кызматкери.
Newsru.co.il маалымдагандай, вице-президент Жералда Алкминди да өлтүрүү пландалган. Бийлик кылмышкерлер деталдуу план түзүп, ниетин ишке ашырууга абдан аз калганын – майда-чүйдөсүнө чейин аракет ишке ашпай калганын айтууда.
Аскер кызматчылары – атайын күчтөр. Алар Рио-де-Жанейродо ошол шаарда өтө турган Чоң жыйырмалыктын саммитинин коопсуздугун камсыздоого катышып жаткан жеринен камакка алынган.

Камакка алынгандар 2022-жылдагы шайлоодо жеңилгенин эч качан мойнуна албаган мурунку президент Джейр Болсонаронун радикалдуу жактоочулары деп болжолдонууда. Алар даярдап жаткан операция мамлекеттик желектин түстөрүнөн кийин «Жашыл-сары канжар» деп аталды.


















