Афганистандын Өнөр жай жана соода министрлиги быйылкы жылдын алгачкы жети айында Афганистан менен Ирандын ортосундагы соода жүгүртүүсү 1 миллиард 921 миллион АКШ долларына жеткенин билдирди.
Министрликтин маалыматына караганда, Иран учурда Афганистандын эң маанилүү соода өнөктөштөрүнүн бири бойдон калууда.
Маалыматта эки өлкөнүн соодасынын негизги бөлүгүн мунай продуктулары, азык-түлүк, курулуш материалдары, өнөр жай товарлары жана айрым технологиялык жабдуулар түзөрү жана эки өлкөнүн ортосундагы импорт жана экспорттун көлөмү өсүү багытында экени белгиленди.
Расмий өкүлдөрдүн айтымында, соода көлөмүнүн өсүшү афган соодагерлеринин альтернативдүү соода жолдоруна болгон ишенимин жана өкмөттүн соода өнөктөштөрүн диверсификациялоо аракеттерин айгинелейт.
Министрликтин өкүлдөрү Ооганстандын Пакистан менен болгон чек ара өткөрмө пункттарынын тез-тез жабылышын эске алганда, Иран жолу сооданы жеңилдетүү, маанилүү товарларды импорттоо жана ооган продукцияларын аймактык жана дүйнөлүк рынокторго экспорттоодо маанилүү ролду ойной турганын баса белгилешти.
Афганистандан Иранга негизинен жаңы жана кургатылган мөмө-жемиштер, кургак жемиштер, айыл чарба продукциясы, мал терилери жана жеңил өнөр жай товарлары экспорттолсо, Ирандан Афганистанга мунай продуктулары, курулуш материалдары, дары-дармектер жана өнөр жай жабдуулары импорттолот.
Министрлик бул соода кызматташтыгы улуттук экономиканын бекемделишине, ички рыноктун туруктуулугуна жана жергиликтүү өндүрүүчүлөр менен соодагерлер үчүн жаңы жумуш орундарын түзүүгө өбөлгө түзүп жатканын белгиледи. Ошондой эле Иран багытындагы жолдорду жана логистикалык инфраструктураны өнүктүрүү боюнча пландар бар экени айтылды.
Чабахар — Афганистандын жаңы соода артериясы
Афганистандын Москвадагы элчиси Гүл Хасан Афганистан үчүн Ирандын Чабахар порту негизги тышкы соода маршрутуна айланып жатканын билдирди.
Ал бул тууралуу Россияда өткөн Түндүк–Түштүк эл аралык транспорт коридору боюнча үчүнчү форумда айтты.
Анын айтымында, Чабахар аркылуу Афганистандын соода жүгүртүүсү күн сайын өсүүдө.
Анын айтымында, Талибандын администрациясы Чабахар маршруту боюнча Иран жана Индия менен биргеликте активдүү иш алып барууда.
Элчи ошондой эле Талибандын соода министринин жакында Ирандын расмий өкүлдөрү менен Чабахар порту боюнча сүйлөшүүлөрдү өткөргөнүн кошумчалады.
Гүл Хасан Афганистан мурда башка өлкөлөр аркылуу өткөн соода жолдорун Чабахар маршрутунс багыттоону көздөп жатканын белгиледи.
Талибан менен Пакистан күчтөрүнүн ортосундагы чек ара кагылышууларынан кийин Исламабад Торхам жана Чаман чек ара өткөрмө пункттарынын 20 пайызын жапкан.
Чек ара өткөрмө пункттарынын жабылышы жана Пакистан менен Ооганстандын ортосундагы сооданын үзгүлтүккө учурашы Талибанды коңшу өлкөлөр менен сооданы көбөйтүүгө түрткү болду.















