Иран Ислам Республикасынын тышкы иштер министри Аббас Аракчи саясий делегацияны жетектеп, Азербайжандын расмий өкүлдөрү менен жолугушууларды жана кеңешмелерди өткөрүү үчүн Баку шаарына барды.
Ирандын тышкы саясий ведомствосунун башчысы жекшемби күнү кечинде Тегерандан Бакуга учуп чыкты. Визит алкагында Аракчинин Азербайжандын президенти, тышкы иштер министри жана башка жогорку кызмат адамдары менен сүйлөшүүлөрү пландалууда. Тараптар Тегеран менен Бакунун эки тараптуу мамилелерине байланышкан маселелерди талкуулап, ошондой эле региондогу жана эл аралык аренадагы актуалдуу окуялар боюнча пикир алышат.
Буга чейин Ирандын ТИМинин расмий өкүлү Эсмаил Багаи акыркы апталардагы Тегерандын дипломатиялык активдүүлүгүн комментарийлеп жатып, Аракчинин Бакуга визитинин маанилүүлүгүн өзгөчө белгилеген.
«Биздин Азербайжан менен болгон мамилебиӊиз абдан маанилүү. Биз — эки коңшу өлкөбүз, бир диндерди тутунган, жалпы маданиятка жана терең тарыхый байланыштарга ээ элдербиз», — деп баса белгиледи дипломат.

















