«Караван-Инфо Кыргызстан» маалымат агенттиги эл аралык «Евразия» сыйлыгынын «Евразиянын үнү» номинациясында биринчи орунду ээледи. Сыйлык тапшыруу аземи 15-октябрда Москва шаарындагы «Россия» улуттук борборунда өттү. Долбоорду Көкүл Арипова тааныштырды.
2026-жылы сынакка 73 өлкөдөн 5512 арыз келип түшкөн. Долбоорлорду баалоого 15 өлкөдөн 165 эксперт катышып, эл аралык калыстар тобунун курамына 50 адам кирген. Финалдык баскычка 29 мамлекеттин өкүлдөрү чыккан. Сыйлык тапшыруу аземине миңден ашуун катышуучу, эксперттер, өнөктөштөр жана ардактуу коноктор чогулду.
«Караван-Инфо Кыргызстан» кыргыз жана орус тилдеринде иш алып барган эки тилдүү маалыматтык-аналитикалык аянтча болуп саналат. Агенттик сегиз аялдан турган команда тарабынан түзүлгөн. Редакция Кыргызстандагы окуяларды, коомдук жана экономикалык процесстерди, маданиятты, билим берүүнү, эл аралык кызматташтыкты жана Евразия күн тартибин чагылдырат. Ошондой эле адамдардын тагдырлары тууралуу баяндарга жана тарыхый эстутумду сактоого өзгөчө көңүл бурат.
Бул жеңиш редакциянын ишмердүүлүгүнүн эл аралык деңгээлде таанылышы болуп, кыргыз журналистикасына болгон кызыгууну арттырды. Мындай жетишкендиктер ата мекендик жалпыга маалымдоо каражаттарына кесиптик байланыштарын кеңейтүүгө жана чет өлкөлүк аудиторияны өлкөнүн жашоосу менен тааныштырууга жаңы мүмкүнчүлүктөрдү ачат.
Кыргызстандык медиалардын эл аралык долбоорлорго катышуусу өлкө тууралуу маалыматты жергиликтүү тажрыйбага жана өлкөдө болуп жаткан процесстерди терең түшүнүүгө таянып жеткирүүгө шарт түзөт. «Караван-Инфо Кыргызстан» бул аянтчада өз редакциясы күн сайын иш алып барган темаларды жана окуяларды сунуштап келет.
P. S. “Евразия Бүгүн” маалымат агенттиги «Караван-Инфо Кыргызстан» маалымат агенттигинин жамаатын абройлуу эл аралык сыйлыгы менен куттуктайбыз жана чыгармачылык ийгилик каалайбыз.
















