Россиянын Тышкы иштер министрлигинин башчысынын орун басары Георгий Борисенко АКШ Иранды жеңе албаганын, демек бул жаңжалда утулганын билдирди.
Ал бул тууралуу «Россия – Жакынкы Чыгыш» аттуу VI эл аралык эксперттик форумда сүйлөп жатып айтты.
«Кошмо Штаттары Иранды жеңе алган жок. Бул алардын утулганын билдирет, алар жеңишке жетише алышкан жок», — деди Борисенко.
Дипломаттын айтымында, АКШ Иранга каршы согуш менен “дүйнөгө күчүн көрсөтүүнүн ордуна, алсыздыгын көрсөттү.
Борисенко Жакынкы Чыгыштагы жаңжал АКШнын “көп полярдуу дүйнөдө” таасири акырындык менен азая берерин ачык көрсөткөнүн белгиледи.
«Ирандын айланасындагы кырдаал комплекстүү жана узак мөөнөттүү негизде жөнгө салынган учурда, аймактагы элдердин алдында мамлекеттер аралык мамилелердин жаңы архитектурасын түзүүгө тарыхый мүмкүнчүлүк ачылат деген көз караштабыз. Анын негизине туруктуулукту жана тышкы кыйратуучу кийлигишүүлөрдөн корголууну камсыз кылган ар тараптуу жана ишенимдүү жамааттык коопсуздукту камсыздоо зарылдыгы жөнүндөгү негизги принцип коюлушу керек», — деп кошумчалады Борисенко.



















