Ирандын тышкы иштер министри Аббас Аракчи өлкө тынчтык максатындагы өзөктүк технологияны өнүктүрүүнү улантарын жана тышкы басымга карабай бул багыттан баш тартпай турганын билдирди. Бул тууралуу ал дүйшөмбү күнү социалдык тармактагы X баракчасында жазды.
«Акыл-эси жайында болгон эч бир мамлекет өзүнүн бейпилдик максатындагы, өмүрдү сактап калуучу технологиясына жумшалган ири инвестициялардын жемишинен жөн эле чет өлкөлүк коркутуулар үчүн баш тартпайт», — деп жазды Аракчи.
Ошондой эле ал Израиль жана АКШ тарабынан жасалган соккулар кайталана турган болсо, Тегеран кескин жооп кайтарууга даяр экенин эскертти. Министрдин айтымында, акыркы чабуулдар учурунда Ирандын өзөктүк объектилерине зыян келтирилгени менен, бул өлкөнүн өзөктүк программасын улантуу боюнча саясий чечимине таасир тийгизген жок.
