Таиланддын түштүгүндө Орусия менен Казакстандан келген туристтерди ташыган кайык деңизде жарылып кетти.
Өлкөнүнүн түштүгүндөгү Пхукет провинциясындагы Майтон аралына жакын жерде Орусия менен Казакстандан келген туристтерди ташыган кайык жарылуудан улам өрттөнүп, бир орусиялык күйүк алды.
Бул тууралуу Таиланддын туристтик полициясынын берген маалыматына таянып, ТАСС агенттиги жазды.
“Майтон аралына жакын жерде туристтик кайык жарылып кеткен. Анын ичинде Казакстан менен Орусиядан келген 31 турист болгон. Окуя болгон учурда сууда 30 турист болгон, бортто бир орусиялык турист калып, күйүк алган. Жабырлануучу медициналык жардам көрсөтүү үчүн ооруканага жеткирилген. Калган 30 турист жабыркаган эмес жана мейманканаларына кайтып келишкен”, – деп билдирди полиция өкүлү.


















