Казакстан Аралды сактап калуу боюнча активдүү чараларды көрүүсүн улантууда. Суу чарба жана ирригация министри Нуржан Нуржигитовдун айтымында, 2025-жылдын апрелине чейин деңизге дагы 1,6 миллиард метр куб суу жөнөтүү пландалууда.
Мындай чечим Казакстан менен Борбор Азиянын башка өлкөлөрүнүн биргелешкен аракетинин натыйжасы болду. Мамлекеттер аралык координациялык суу комиссиясынын жакында болуп өткөн жыйынында Түндүк Аралды андан ары толтуруу чечими кабыл алынды.
«Суу үнөмдөөчү технологиялардын аркасында быйылкы жылы Кызыл-Ордо облусунун дыйкандары 200 миллион кубометр сууну үнөмдөп, Түндүк Аралга да жөнөтүлдү», – деп белгиледи министр.
Кошумчалай кетсек, Казакстан коңшу өлкөлөр менен 1-апрелге чейин Шардара суу сактагычына 11 миллиард куб метр суу жөнөтүү боюнча келишимге жетишкен. Бул келерки сугат мезгилинде республиканын түштүк райондорун суу менен камсыз кылат.
Сүрөт: gov.kz
Булак: caravan-info.pro
















