Тажикстан Казакстандын суу ташкындан жабыркаган аймактарына гуманитардык жардам бергендигин Tengrinews.kz сайты Тажикстандын ӨКМне шилтеме берип билдирди.
Андагы маалыматка ылайык, Сарыагаш шаарында Казакстандын суу ташкындан жабыркаган жарандарына гуманитардык жардамды өткөрүп берүү иш чарасы болду.
Гуманитардык жардам азык-түлүк, ичүүчү суу, курулуш материалдары жана үйлөрдүн чатырларынан турат. Душанбе жана Ходженттен жалпы салмагы 3,5 миң тоннаны түзгөн 61 вагон жана 13жүк ташуучу машина жөнөтүлгөн.
Казак элине жардамды өткөрүп берүү учурунда милициянын генерал-полковниги Рустам Назарзода сөз сүйлөдү. Ал өз сөзүндө бир тууган казак элине жардам Тажикстандын президенти Эмомали Рахмондун катышуусунда көрсөтүлгөндүгүн белгиледи. Казакстан Республикасынын ӨКМнин жетекчисинин биринчи орун басары жана облус башчысы тажик элине казакстандыктар үчүн кыйын мезгилде көрсөткөн жардамы үчүн ыраазычылык билдирди.
Мындан мурда Кыргызстан да Казакстанга эки ирет 150 тоннадан 300 тонна гуманитардык жардам жөнөткөндүгү маалымдалган. Анда суу, күрүч, гречка, печенье, конфет, чай жана башка азык-түлүктөр, ошондой эле чатырлар, лампочка, жылыткычтар, керебет, матрас, кийим-кечектер болгон. Кыргызстандан жардамдын экинчи партиясы 13-апрелде жөнөтүлгөн.



















